[ من سنه ونص تقريبا ولدت توءم (بلال وبيجاد) في ايطاليا وبعد الولاده كنت حاسه ان في حاجه فيا غلط بس طبعا رفاهيه اني اهتم بنفسي واروح لدكتور دي كانت منعدمه …كان اقصا طموحي اناااااااام
فضلت ٤٠ يوم من الولاده وانا مش تمام خالص وسخونيه مستمره بدون سبب وبرضو انا مهمله واقول يمكن من الولاده والارهـ،ـاق وقلة النوم
المهم رحت عملت تحليل د…م وبعته للمستشفى اللي ولدت فيها ولقيتهم تاني يوم متصلين بيا اني اروحلهم بسرعه
وكنت يومها عامله كشري مصري
عارفين يعني ايه كشري مصري في الغربه يعني حلم جميل: قلت اروح المستشفي في السريع انا وجوزي ولما ارجع ابقا اكل براحتي ودي كانت اول غلطه
لما رحت المستشفي لقيت كنسولتو دكاتره وممرضات في انتظاري ..خير يا جماعه …
*بصي بدون مقدمات انتي عندك كانـ،ـسـ،ـر نـ،ـادر بيجي مع الحمل بس وبيكون في المشيمه يعني لا ينفع استـ،ـئصـ،ـال ولا شيـ،ـل رحم …حالتك حـ،ـر.جه جدا لازم تبدءي بسرعه كيمـ،ـاوي ولازم مسـ،ـح ذري ولازم تتحجزي حالا ..ولازم كتيررررررررر وساعتها ودني اتسدت
تخيلو يتقالي في وشي قدامك ١٠ ايام وتمـ،ـوتي لو مبدؤتيش حالا كيمـ،ـاوي

اتقالي كل الاعـ،ـراض السـ،ـيئه للكيمـ،ـاوي من قبل ما ابدءه بمنتها القسـ،ـوه بس مكنش المر.ض شاغل بالي اصلا كل تفكيري كان هودي ولادي فين دول عندهم ٤٠ يوم واحنا بطولنا في الغـ،ـربه ملناش الا ربنا
وبنتي الكبيره اللي متعلقه فرقبتي واهلي اللي هيتوجـ،ـعوا عليا فمصر وهم مش قادرين يكونوا جنبي
*طب الكشري اللي فلبيت مين هياكله دا انا همـ،ـوت عليه
وجوزي يقولي احنا في ايه ولا في ايه ..يعني امـ،ـوت ونفسي في الكشري
المهم اتحجزت علطول واتعملي مسـ،ـح ذري واكتشفوا ان الو.ر.م انتشر في الرئه بسبب تاخيري لان نوع الو.ر.م دا شـ،ـرس جدا ودي كانت تاني غلطه
#عشان متغلـ،ـطوش غلطتي كلوا اكلتكم المفضله قبل ما تعملوا مشاويركم المهمه عشان محدش عارف توابع المشوار ايه .. اخطـ،ـفوا اي لحظه حلوه
واوعوا بلله عليكم لو حسيتوا بحاجه غلط في جسمكم تهملوا لان عوا.قب الاهـ،ـمـ،ـال ممكن تكون جسيمه
كل حاجه تتعوض الا الصحه
وربنا ما يكتبها على حد ابدا
[ #تعديل: منحرمش من دعواتكم الحلوه .. بقيه القصه اني اتحجزت في المستشفي وبدءت من تاني يوم كيمـ،ـاوي من اقوى نوع عشان يشوفوا استجابه جسمي ..مكنش في حاجه شايله همها غير ولادي بس ربنا من رحمته خلى الدوله تساعدني وعينولي اسره ترعى الولاد وحق ربنا الستات المصريات في ميلانو كلهم كانو عاوزين ياخدوا عيالي
انا شفت جدعنة الست المصريه عل حق و من رحمة ربنا بيا ان المستشفي خا.طبت السفاره الايطاليه فمصر بسرعة اعطاء الفيزا ل بابا وماما لان الحاله النفسيه والصحيه محتاجه اهل
بس عارفين انا والله طول فتره مرضي ما زعلت بالعكس كنت دايما بضحك حتى شعري حلقته بنفسي وقلت بيدي لا بيد الكيماوي …اصل هعـ،ـترض عل قضـ،ـاءه ليه
قضاء ربنا نافذ شئت ام ابيت
هو ابتلاني وانا راضيه وانا مؤمنه بالمقوله اللي بتقول ان الله لا يعطي اصعب معاركه الا لاقوى جنوده
شفت حواليا ناس بتكـ،ـفر بربنا لانه اصـ،ـابهم بالمـ،ـر.ض وشايفين انهم ميستاهلوش المـ،ـر.ض فالحمد لله عل نعمه الايمان
انا فضلت لمده ٧ شهور باخد جرعات كل اسبوع ..شعري وقـ،ـع و صحتي ادهورت بس النفسيه بعون الله كانت حديد

مش شطاره مني لاء …دي رحمه من ربنا بيا.. اللي هو قدر ولطف ..
الحمد لله جسمي استجاب للعلاج
والحمد لله الذي شفاني وعافني وابويا وامي كانو معايا وجوزي كان سندني وعمره ما حسسني ان شكلي اتغير او غير صالحه بالعكس مع اني كنت بسمع كلام يسم البدن بس مكنش بيهمني زي ازاي جوزك شايفك من غير شعر وازاي بيتعامل عادي معاكي
اكن مفروض الست مننا تمـ،ـوت وحياتها تنتهي لمجرد اصـ،ـابتها بمـ،ـر.ض زي ده
تجربه الكـ،ـانـ،ـسـ،ـر اتعلمت منها دروس كتير اوووووي
وعرفتني على ناس كانت بتزوني في المستشفى من غير سابق معرفه ودي المحبه في الله
واحلى واهم حاجه اتعلمتها اليقين في رحمته ..ربنا كريم اوووووووووووووووووي وبيحبنا وبيبتلينا محبه
اذا احب عبدا ابتلاه
انا حاليا بعمل كنترول وتحاليل كل شهر لان نوع المر.ض دا بيرجع بسهوله بس لو رجع فمرحب بمر.ض يخففلي ذنوبي ويقربني لربنا …وتحياتي ليكم ربنا يكرم اصلكم❤منقووووووووول

محتوى